Жаңалықтарды Telegram арнамыздан оқыңыз!Елордада 54 науқастан қосымша алынған сынамалардың алдын-ала талдауы олардың 56 пайызында үнді штаммы бар екенін көрсетті. Сондықтан, қалада карантиндік шектеулер енгізіледі. Өйткені, мутацияның бұл түрі тез таралады. Өлім қаупі де жоғары. Вирустың өзге түрлеріне қарағанда 60 пайызға жұқпалы. Ал, індет жұқтырған адамның буындары қақсап, іштері ауырады. Жүрек айну, құсу, құлақтың естімей қалуы сияқты белгілері де бар. Осыған байланысты, шаһар басшысы Алтай Көлгінов коммуналдық қызметтердің, құрылыс компанияларының, білім беру ұйымдары мен сауда орталық өкілдерін вакцинациялау қажеттігін айтты. Өйткені, ұжымдық иммунитет қалыптаспаса бұл нысандар уақытша жабылуы мүмкін.
Амангелді Сейітхан
