Оралда 25 жастағы жігітті пойыз қағып кетті. Оқиға Орал-Желаев теміржолы бойында бүгін таңғы сағат 9-да болған. Ер адам рұқсат етілмеген жерден өткен. Ауруханаға жекізілгенімен, операция кезінде көз жұмды.
Руслан Қисамитденов, Орал станциясындағы желілік полиция бөлімінің бастығы:Аталған дерек бойынша Орал желілік полициясы бөлімшесімен ҚР ҚК 344-бабымен қылмыстық іс қозғалып, алдын ала тергеу амалдары жүргізілуде.
Ал Қостанай облысында жол апатынан кәмелеттік жасқа толмаған үш бала қаза тапты. Оқиға «Қостанай-Қарабұтақ» бағытының 494 –ші щақырымында, Бейімбет Майлин ауданының аумағында болған. Рөлдегі 36 жастағы әйел адам жүк көлігін басып озбақ боп қарсы бағытқа шыққанда, қарсы келе жатқан «LEXUS-қа» бетпе-бет соқтығысқан. Лексустың 40 жастағы жолаушысы да жарақат алды. Қаза болған үш жасөспірім әйел адамның көлігінде болған. Қазір сотқа дейінгі тергеу жүріп жатыр.
Ардақ Мұратқызы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Оралда 25 жастағы жігітті пойыз қағып кетті&mh_tags=Qazaqstan&mh_page=https://qazaqstan.tv./news/142676/)