Жаңалықтарды Telegram арнамыздан оқыңыз!Елордада медициналық туризм дамып келеді. Мысалы, бір ғана Ұлттық нейрохирургия орталығының өзіне соңғы 10 жылда 350 шет ел азаматы келіп, емделген. Өйткені, бұл орталық нейрохирургия саласында Орталық Азиядағы көшбасшы клиника. Ал, жалпы қалада халықаралық JCI сертификатын алған 7 медициналық ұйым бар. Яғни, олар әлемдік стандартқа сай қызмет көрсететін орталықтар қатарында. Әсіресе, телемедицина, роботты техника, жасанды интеллект арқылы емдеуге сұраныс жоғары. Коронавирусқа байланысты медициналық туризм шаралары шектелсе де, былтыр 50, биыл 47 шетелдік азамат емделуге келген.
Алмас Қыдыров, Ұлттық нейрохирургия орталығы жалпы нейрохирургия бөлімшесінің координатор дәрігері:Біздегі нейрохирургия орталығы жабдықталу жағынан өте қазіргі заманға сай жабдықтармен жабдықталған. Және де басқа елдерге қарағанда осында ақылы төлемі бізде ең төмен. Мысалы Германияда ем қабылдау бізден қарағанда 10-15 есе жоғары. Оңтүстік Кореяда бізден 8-10 есе жоғары.
Амангелді Сейітхан
