Соңғы аптада елде коронавирус жұқтырғандар 10 процентке көбейген. Президентке есеп берген Денсаулық сақтау министрі Алексей Цой осылай деп мәлімдеді. Ауруханаларда жансақтау бөлімінің тең жартысында науқастар ем алып жатыр. Дегенмен елордада індет жұқтырғандар ептеп азайып, эпиджағдай тұрақтала бастаған.
Сондай-ақ Мемлекет басшысына Ұлттық банк төрағасы Ерболат Досаев та есеп берді. Қазақстанда төрт жылда инфляция деңгейі рекордтық көрсеткішке жеткен. Ұлттық банк төрағасы мұның себебін азық-түлік нарығындағы жағдаймен байланыстырады. Маусымда 7,9%-ке көтерілген инфляция шілдеде 8,4%-ке жеткен. Президент Үкіметпен бірлесіп инфляцияны тұрақтандыруға тиімді шаралар қабылдауды жүктеді.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алексей Цой Мемлекет басшысына есеп берді&mh_tags=Qazaqstan&mh_page=https://qazaqstan.tv./news/144029/)