Мұнай қайта арзандауы мүмкін. Кейбір әлемдік сарапшылар осылай болжап отыр. Айтуларынша қара алтын құнының кері кетуіне Сауд Арабияның бағаны арзандатуы себеп. Мұндағылар Азия яғни, Қытай, Оңтүстік корея, Жапония мен Үндістан секілді елдерге мұнайды арзанырақ сатпақ. Баға өзгелермен салыстырғанда барреліне бір жарым долларға төмен. Трейдерлердің айтуынша Сауд Арабия осы арқылы нарықты жаулап алмақ. Бірақ бұдан баға 55-60 долларға дейін арзандап кетуі мүмкін деген болжамдар айтылып жатыр. Мұндай жаңалықтың акция нарығына бірден әсер ететіні анық. Өткен апта нығайған теңге бүгін қор биржасындағы саудада қайта арзандады. Бір доллар - 426, еуро - 501, рубль - 5 теңге 80 тиынға тең.
Досжан Маратұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Мұнай бағасы арзандауы мүмкін&mh_tags=Qazaqstan&mh_page=https://qazaqstan.tv./news/144929/)