Ақтөбе облысында оқу жылы басталғалы 200-ден астам оқушыдан коронавирус инфекциясы анықталды. Дені қала мектептерінде оқиды. Олармен байланыста болған оқушылар да екі аптаға оқшауландырылды. Қазірге дейін оқу жылы басталғалы облыс бойынша 218 сынып карантинге жабылған. Сондай-ақ, арнаулы оқу орындарындағы 31 студенттен де вирус анықталды. 29 топ қашықтан оқуға жіберілді. Барлығы дәрігерлер бақылауында.
Маңғыстау облысында да 20-дан астам мектепте 22 сынып карантинге жабылды. Оқушылардан коронавирус инфекциясы анықталған. Балалардың вирусты отбасы мүшелерінен жұқтырғаны белгілі болды. Індетке шалдыққан балалардың сыныптарында зарарсыздандыру шаралары жүргізіліп, сыныптастары 2 апта қашықтан оқуға жіберілді. Өңірде соңғы 1 аптада 1 мыңға жуық науқас тіркелді. Облыс - қызыл аймақта.
Жақсыбе Кемал
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Ақтөбе облысында оқу жылы басталғалы 218 сынып карантинге жабылды&mh_tags=Qazaqstan&mh_page=https://qazaqstan.tv./news/145373/)