Қостанайда соңғы үш айда 32 рет жол ережесін бұзған жүргізуші анықталды. Сөйтіп оған салынған барлық айыппұлдың көлемі 554 мың теңгеге жеткен. Тағы бір жүргізуші осынша уақытта 20 рет ереже бұзып, 478 мың теңге айыппұл арқалаған.
Бұл екі азамат та ресейлік нөмірлі көлікті тізгіндепті. Полиция екеуінің де қолына айыппұлды төлеу туралы хабарламаны ұстатты. Ал көліктері айып тұрағына қойылды.
Жалпы, бес күнге созылған рейд кезінде барлығы 137 әкімшілік іс қозғалып, 57 көлік құралы айыптұрағына апарылған.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қостанайда үш айда 32 рет жол ережесін бұзған жүргізуші анықталды&mh_tags=Qazaqstan&mh_page=https://qazaqstan.tv./news/147054/)