Атыраулық балықшылар тығырыққа тірелді. Олар белгіленген 30 мың тонналық лимитті игере алмай жатыр. Әзірге ауланған балықтың көлемі 8 мың тоннадан әрі аспайды.
17 кооператив бекітілген жоспарды шілдеге дейін орындауы тиіс. Жайықтың құрғауы мен теңіздің тартылуы мәселені одан бетер ушықтырып тұр. Келер жылы су деңгейі көтерілмесе, сыртқы сауда түгілі ішкі нарық өніммен қамтылмай қалуы мүмкін. Қыркүйектен бастап құрма ауға тыйым салынып, теңіздегі балықты «вентерь» деп аталатын құралмен аулау міндеттелген еді.
Ғаббас Мұратов, балықшы:
30 келі балықтың шамасы 250 метр ауға шығып тұр. Ол кәсіп болмайды. Күнде жағдай - осы.
Амангелді Ахтанов, «Дамбы балық қорғау» инспекциясының бас маманы:
Солтүстіктен соққан желдің бағытынан Жайықта да, теңізде де су деңгейі төмендеді. Осы жерден теңізге қарай қайықтарға шығуға мүмкіндік жоқ, үлкен кеме де, кішкентай қайықтар да шыға алмай тұр. Жайық өзенінде балық нашар.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Атырауда балықшылар белгіленген жоспарды игере алмай жатыр&mh_tags=Qazaqstan&mh_page=https://qazaqstan.tv./news/147117/)