Жаңалықтарды Telegram арнамыздан оқыңыз!Қостанайдың меценттары өнер мен ғылым майталмандарына дәстүрлі «Шабыт» және «Қазына» сыйлықтарын табыстады. Биыл 14-ші рет өтіп отырған бұл іс-шара мәдениетті қолдау жылынан бастау алған.
Алдымен өнер мен ғылым саласында еңбек етіп жүрген азаматтар бәйгеге қатысуға өтініш білдіреді. Қазылар алқасы олардың жеткен жетістігін, сіңірген еңбегін сарапқа сала отырып, сыйақыны кімге беру қажеттігін шешеді.
Биыл 11 номинация бойынша 24 адам марапатталып, қомақты қаржылай қолдауға ие болды. 35 жасқа дейін жастарға арналған «Шабыт» сыйлығы -2500 АҚШ доллары, ал аға буынға арналған «Қазына» сыйлығы - 5000 АҚШ доллары көлемінде.
Нұрлан Байшин, «Шабыт» сыйлығының иегері, актер:
Өнер сатылмайды, өнер бағаланады. Облыстық кәсіпкерлердің өнерді дамытудағы қосып жатқанына үлестеріне қуаныштымын. Өнер, әрине, бағалануы керек. Сондықтан өнер бағаланса, жақсы туынды шығады деп ойлаймын.
Дәуренбек ӘБДІБЕК
