Боливияда үкіметке қарсы ереуіл төртінші күнге жалғасты. Бейсенбіде наразылық акциясы полиция, демонстранттар және билік жақтастары арасындағы тәртіпсіздікке ұласқан. Одан 1 адам қаза тауып, ондаған адам жараланды. Жапа шеккендердің арасында тәртіп сақшылары да бар. Жүзден астам адам ұсталған. Боливияның бірнеше қаласында көше саудагерлерінің, шағын бизнес иелері мен оппозиция өкілдерінің ереуілі дүйсенбіде басталды. Наразы халық үкіметтің «Заңсыз кіріс» атты заңына қарсы. Аталған құжат ел тұрғындарын өздерінің табыстары туралы есеп беруге мәжбүрлейді. Ал билік болса, шараны ұйымдастырған оппозицияны мемлекеттік төңкеріс жасамақ әрекеті үшін айыптап отыр.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Боливияда үкіметке қарсы ереуіл төртінші күнге жалғасты&mh_tags=Qazaqstan&mh_page=https://qazaqstan.tv./news/147983/)