Жаңалықтарды Telegram арнамыздан оқыңыз!Павлодарда медбике жалған екпе паспортын сатумен айналысты деген күдікке ілінді. Ол жергілікті емханалардың бірінде жұмыс істеген. Медицина қызметкері бірнеше адамнан екпе салдырды деген құжат жасап бергені үшін 160 мың теңге сыйақы алған. Естеріңізге сала кетейік, осы жылдың шілде айында аймақтық полиция департаменті мен ұлттық қауіпсіздік комитеті бірлесіп вакцина паспортын сатумен жүйелі түрде айналысқан медицина қызметкерлерін ұстаған болатын. Олар 200- ден аса адамға екпе салынды- деп жалған құжат берген.
Жанар Белялова, полиция департаментінің баспасөз қызметінің жетекшісі:
Аталған факті бойынша ҚР ҚК 247 - бабы-заңсыз сыйақы алу бойынша сотқа дейінгі тергеу басталды. Күдікке ілінген медбикеге қатысты бұлтартпау шарасы таңдалып, сотқа дейін еркін-жүріп тұруына тыйым салынды.
Болат Аманбаев
