Жаңалықтарды Telegram арнамыздан оқыңыз!Елордада жұмыс берушілер мен «Болашақ» бағдарламасы түлектерінің форумы өтті. Кездесуде «Болашақпен» оқып келген азаматтардың нарықтың жаңа жағдайында бейімделу мәселесі, жалпы олардың жұмысқа орналасу жайы да сөз болды. Сарапшылар бұған дейін бітірген түлектердің шетелдік дипломмен елге оралып жатқан жас мамандарға өз болашағын жоспарлай біліп, асығыстық жасамау керектігін айтты. Дей тұрғанмен, 28 жылда 11 мыңдай түлектің 52 пайызы орта және жоғары буын басшыларына дейін өсті.
Мыңжылқы Бердіқожаев, Алматы қаласы орталық клиникалық ауруханасының бөлім меңгерушісі:
Жалпы, медицина жағынан алатын болсақ, «Болашақпен» бітіріп келген түлектер, әрине, өзінің ойлаған жұмысына орналасады деп айту қиындау. Өйткені орталық ғылыми ұйымдар Қазақстанда сондай көп емес. Бірақ медицина бойынша бітіріп, Қазақстанға оралған дәрігерлердің саны көп.
