Жаңалықтарды Telegram арнамыздан оқыңыз!Індеттен сақтану үшін Шымкентте болашақ медицина мамандары «Pfizer» вакцинасын салдыра бастады. Медициналық колледжде білім алып жатқан 400-ге тарта студент өз еркімен екпе алуда. Олар вакцина салдырмас бұрын жазбаша сауалнама толтырып, дәрігердің арнайы тексеруінен өтті. Олардың қатарында Жадыра Әуезова да бар. Жасөспірім осыдан 20 шақты күн бұрын екпенің бірінші компонентін алған. Ешқандай жанама әсері байқалмапты.
Жадыра әуезова, студент:
Бұл - екінші компонент. Біріншісінің ешқандай теріс әсері болған жоқ. Бәрі жақсы. Ауруды жеңу үшін вакцина салдыру керек деп ойлаймын.
Жалпы, Шымкентте биылғы жылдың 15 қарашасынан бастап 13 мыңға тарта адам «Pfizer» екпесін салдырып үлгерді. Олардың дені 12-18 жастағы жасөспірімдер, қалғаны емізулі баласы бар аналар.
Ғани Қалмаханов
