Жаңалықтарды Telegram арнамыздан оқыңыз!Жамбыл облысында ірі көлемде есірткі сақтаған күдікті ұсталды.
Жедел іздестіру операциясы кезінде полицейлер Меркі ауданының 37 жастағы тұрғынының ізіне түсті. Ол Шу ауданы «Бестаз» құмды аймағында қолға түсті. Күдікті 1 келіден аса гашишті 74 дана етіп бөліп орап, сатуға дайындаған. Бір орамы 20 дозаға есептелген. Ұсталған адам өз кінәсін мойындап, Шу қаласының уақытша қамау изоляторына жеткізілді. Қылмыстық іс қозғалды. Күдікті 3 жылдан 7 жылға дейін бас бостандығынан айырылуы мүмкін.
Гүлсара Мұхтарқұлова, ПД баспасөз хатшысы:Ұсталған азамат өз кінәсін толық мойындап, қамаққа алынды. Қазақстан Республикасы Қылмыстық Кодексінің 296 бабының 4 бөлігімен сотқа дейінгі терге амалдары басталды.
