Жаңалықтарды Telegram арнамыздан оқыңыз!Президент Владимир Путин Ресейдің Украинадағы әскеріне көмекке бүкіл әлемнен «ерікті» тартуға рұқсат берді. Ал, осы елдің қорғаныс министрі Сергей Шойгудың сөзінше, қазірдің өзінде 16 мыңдай адам өтініш берген. Олардың көпшілігі - Таяу Шығыс елдерінен, әсіресе, Сирия тұрғындары.
Украинадағы жағдайға тоқталсақ, онда Мариуополь қаласы бомбаланып жатса, Луцк, Ивано-Франковск атқыланған. Таңертең Винница қаласына да снаряд жаудырылды. Сонымен қатар, Ресей әуе күштерінің соққысына елдің батысындағы аэродромдар да ұшырады. Ал, Харковьта 400-дей үй жартылай немесе толықтай қираған.
Қарулы қақтытығыстардың ауқымы кеңейген сайын, Украинада гуманитарлық жағдай да нашарлап барады. Біріккен Ұлттар Ұйымының дерегінше, ақпанның 24-нен бері елден көрші мемлекеттерге 2,3 миллион адам бас сауғалап барған. Солардың көпшілігі Польша жеріне өтіпті.
Арыстан Рысбек
