Алматыда 8 жастағы қызды тонаған күдікті ұсталды. Қылмыс туралы полицияға қыздың анасы хабарлаған. Әйелдің айтуынша, қаладағы дәріханалардың бірінде белгісіз ер адам кішкентай қыздың құлағындағы сырғаны шешіп алған. Оның жымысқы әрекеті бейнебақылау камерасына түсіп қалған. Қолда бар айғақпен құқық қорғау органдарының қызметкерлері ұрының жеке сұлбасын құрастырып, оқиға болған күні 49 жастағы қала тұрғынын ұстады. Күдікті қылмыс жасағанын мойындап отыр. Бүгінде оған қатысты қылмыстық іс қозғалды.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматыда 8 жастағы қызды тонаған күдікті ұсталды&mh_tags=Qazaqstan&mh_page=https://qazaqstan.tv./news/155058/)