Жаңалықтарды Telegram арнамыздан оқыңыз!Елімізде халықтың қолма-қол ақшасыз төлем жасау операцияларының көлемі 73 трлн теңгеден асты. Бұл туралы Мемлекет басшысының төрағалығымен өткен Ұлттық банктің былтырғы есебін тыңдауға арналған кеңесте айтылды. Сондай-ақ, депозиттерді доллармен салу деңгейі 36 пайызға азайса, мемлекеттік құнды қағаздағы нарықтық инвесторлардың үлесі 69,2 пайызға артқан. Президент Үкіметке Ұлттық банкпен бірлесіп, Инфляция деңгейін бақылау және төмендету жөніндегі 3 жылға арналған кешенді шаралардың толыққанды жүзеге асырылуын қамтамасыз етуді тапсырды. Жиында Ұлттық қордың инвестициялық кірісін арттыру, активтерді тиімді басқару, алтын валюта резервтерінің өтімділігі мен сақталуын қамтамасыз ету мәселелері қарастырылды.
Дарын Сағитов
