Бурабайда тауға көтерілмек болған елордалық 19 жастағы жігіт 20 метр биіктіктен құлап кетті. Саяхатқа келген жігіттің аяғы сынып, бірнеше жері жараланған. Құтқарушылар мен дәрігерлер оған алғашқы медициналық көмек көрсетті. Кейін зембіл арқылы жедел жәрдем көлігіне жеткізді. Қазір ем қабылдауда. Оқиғаның мән-жайы анықталып жатыр. Бұл - соңғы екі күнде Бурабайда тауда болған екінші оқыс оқиға. Алдыңкүні 53 жастағы әйел адам аяғын сындарып алған. Оған да дер кезінде көмек көрсетіліп, құтқарушылар оны 400 метр биіктіктен зембіл арқылы түсірген.
Ермек Елберген
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Бурабайда жас жігіт таудан құлап, жарақат алды&mh_tags=Qazaqstan&mh_page=https://qazaqstan.tv./news/160795/)