Жаңалықтарды Telegram арнамыздан оқыңыз!Батыс Қазақстандағы Бәйтерек ауданы №2-ші ауруханасы басшысының орынбасары вакцинация құжаттарын заңсыз үлестірген. Аталған мекеменің медбикесі Жанаргүл Калашникова Мемлекеттік қызмет істері агенттігі төрағасының атына осылай деп арыз түсірген. Сондай-ақ хатта дәрігердің науқастарды ақылы қабылдағаны да көрсетілген. Өз кезегінде дәрігер вакцина құжатын беруде заңсыздыққа жол берілмегенін, ал науқастарды жұмыстан тыс уақытта қабылдағанын мәлімдеп отыр. Осыған орай облыстық денсаулық сақтау басқармасы арнайы комиссия құрып, мәселені жан-жақты зерделеген.
Арман Қалибеков, облыстық Денсаулық сақтау басқармасының басшысы:
Комиссия Дарьинскіге шығып, екі жақтан түсініктеме алып, сосын бері қарай облздравқа бәрін шақыртып, талқылау жасадық. Енді қазіргі таңда мәлімет бойынша біздер ДВД-ға және антикоррупционный службаға хат жібердік. Тексеріс өткеннен кейін шешім қабылдаймыз заңға сәйкес.
