Жаңалықтарды Telegram арнамыздан оқыңыз!Әскер қатарындағы сарбаздарды да қадағалау күшейтіледі. Енді олар цифрлық білезік тағады. Бұл - борышын өтеушінің жүрген жерін, жүрек қағысын қадағалап отыру үшін қажет. Сондай-ақ сарбаздың суицидке бейімдігінен де хабар береді. Бұл жөнінде Қорғаныс министрлігі мәлімдеді. Әскери салада инфрақұрылымдық техникалардың ескіргені де назардан тыс қалмады. ІТ мамандар тапшы. Вице-министрдің айтуынша бөлімшелер тозығы жеткен техникаларды пайдалануға мәжбүр.
Дархан Ахмедиев, ҚР Қорғаныс министрінің орынбасары:
Инфрақұрылым проблемасы бар. Компьютерлер, серверлер, комутаторлардың көбісі ескірген. Мұны мойындауымыз керек. Соңғы үш айда оншақты әскери бөлімді аралап шықтым. Солардың ішінде 10-15 жыл бұрын қолданыстан шыққан «Pentium III»-пен жұмыс істеп отырғандар бар. Ол да бір үлкен мәселе.
