Жаңалықтарды Telegram арнамыздан оқыңыз!Батыс Қазақстанда аса ауыр қылмыс жасағаны үшін екі күдіктіге іздеу жарияланды. 1991 жылы туған Руслан Қожантаев пен 2001 жылы туған Амангелді Тұрлан орталық саябақ жанында белгілі кәсіпкерді өлтіріп, оқиға орнынан ізін суытқан. Олардың қашып бара жатқаны бейнебақылау камерасына түсіп қалған. Бірінің қолы қан. Қазір облыстық Полиция департаментінің барлық күш, құрылымы күдіктілерді іздеуге жұмылдырылды. Қалаға шығар көліктер тексеріліп, жасырынуға қолайлы аумақтар тінтілді. Кісі қолынан қаза тапқан кәсіпкер Ерлан Мұқанғалиев - бірнеше мейрамхана иесі.
Ардақ Мұратқызы
