Жаңалықтарды Telegram арнамыздан оқыңыз!Қытайда жаңа вирус таралып жатыр. «Лангья» деп аталатын инфекция Шаньдун және Хэнань провинцияларында 35 адамнан анықталған. Олардың көбінде шаршау мен жөтел белгілері байқалды. Науқастар бұл ауруды жануарлардан жұқтырды деген болжам бар. Әзірге толық зерттелмеген індеттің адамнан адамға тарайтынына ешқандай дәлел жоқ. Ал, карантинге жабылған Хайнань аралынан туристер шығарыла бастады. Айта кетсек, тамыздың басынан бері мұнда екі мыңға жуық адамнан коронавирус табылды. Сондықтан, провинцияда миллиондаған адам тек ковидке қатысты тест тапсыру үшін сыртқа шыға алады. Сондай ақ, дүкеннен азық-түлік сатып алуға және ең маңызды саналатын жұмысқа ғана баруға рұқсат етіліп отыр.
Арыстан Рысбек
