Жаңалықтарды Telegram арнамыздан оқыңыз!Балқаш қаласындағы жанармай бекеттерінде шу шықты. Жүк көліктерінің жүргізушілері сұйық отын құюдағы әділетсіздікке наразы.
Олар әлеуметтік желіге жариялаған бейнежазбадан станция басында ұзын-сонар кезекті байқауға болады. Жүргізушілердің айтуынша, отандық көліктерге дизельді отын лимитпен тек 50 литрден ғана, ал шетелдіктерге толтыра құйып алуға рұқсат етілген. Себебі оларға белгіленген баға басқа. Одан бөлек, шетелдік жүргізушілер төлемнің үстінен қосымша тағы ақша береді, дейді қазақстандық көлік иелері. Осының кесірінен кезегін күткен отандық жүк көліктері бірнеше сағаттап тұруға мәжбүр. Ал әкімдік өкілдері бұл бір ғана бекетте уақытша орын алған жағдай, жалпы облыс төңірегінде жанар-жағармай тапшылығы жоқ дейді.
Руслан Нұрланұлы
