Жаңалықтарды Telegram арнамыздан оқыңыз!Бүгін Ішкі істер министрлігінің сайтына Ақтөбе орталығындағы 8 білім ордасына бомба қойылғандығы туралы хабарлама келген.
Полиция мен арнайы қызмет өкілдері аталған мекемелерге лезде жетті. Шұғыл түрде оқушылар мен ұстаздар қауіпсіз жерге шығарылды. Іздеу шаралары барысында ешқандай қауіпті зат табылмаған соң оқу процесі қайта жалғасты. Полицейлер анонимді хабарламаның авторын іздеп жатыр. Осыдан екі күн бұрын да Назарбаев зияткерлік мектебінің электронды адресіне қаладағы төрт мектепке жарылғыш зат қойылғаны туралы хабарлама келген еді. Аталған фактілер бойынша «Терроризм актісі туралы көрінеу жалған хабарлау» бабы бойынша сотқа дейінгі тергеу басталды.
Метгүл Қосымбаева, қалалық білім бөлімінің басшысы:
Өтпей қалған сабақтар болса, ертең, келесі апта сол пән бойынша әр мұғалім балаларға соны жеткізеді. Ешқандай ата-аналардан шағым түсіп жатқан жоқ. Бірақ тиісті құзырлы органдар тиісті жұмысын жүргізеді деп ойлаймын.
