Жаңалықтарды Telegram арнамыздан оқыңыз!
Елімізде сайлау процесіне қатысатын комиссия мүшелері дайындықтан өтеді. Қазір оларды оқыту басталды. 18 қарашаға дейін Жамбыл облысында 3856 адам арнайы тест тапсырып, сертификат алуы тиіс. Яғни мамандар, сайлаудың тәртібі мен заңдылықтары бойынша білімін жетілдіреді. Саяси науқан кезінде олар өз міндеттерін дұрыс атқарып, заң аясында ғана әрекет етуі тиіс дейді ұйымдастырушылар. Ал, 21 қазаннан бастап БАҚ беттерінде үгіт-насихат жұмыстары жарияланбақ. Сондай-ақ, аумақтық учаскелердің бәрінде кандидаттар туралы ақпараттар ілінуі тиіс. Бұдан бөлек семинар кеңесте отандық және халықаралық байқаушылардың да рөлі басым екендігі айтылды.
Сара Мадиева,Облыстық сайлау комиссиясы төрағасының орынбасары:
Жалпы алғанда 3856 адам түгел дерлік оқып бітуі керек. 18 қарашаға дейін. Сонымен қатар, тест тапсырып, сертификат алуы керек. Яғни, ол сертификат әр бір сайлау комиссиясы мүшелерінің сайлау туралы заңды жақсы білетіні, оны сол өздерінің міндеттерін сайлау процесіне кіріскен кезде өз жұмыстарын дұрыс атқаруы үшін қажет.
Нұрдос Сембек
