Жаңалықтарды Telegram арнамыздан оқыңыз!Түркия кинотеатрларында қазақстандық Надира Ахонова басты рөлде ойнаған «Ұят» фильмінің көрсетілімі басталды. Психологиялық драма жанрындағы туынды Ыстамбұл қаласында түсіріліген. Картина түрік және ағылшын тілдерінде. Сондай-ақ жерлесіміз осы фильмнің продюсері. Бұған дейін голливудтық бірнеше кинокомпаниямен жұмыс істеген Надираның Семей полигоны туралы бір жобасы әйгілі «Эмми» сыйлығын алған. Бұдан бөлек, жерлесіміз америкалық HBO компаниясымен бірге, Әлем чемпионы Геннадий Головкин туралы да деректі фильм түсірген. Қазір продюсер Түркияда тарихи сериал түсіруге дайындалып жатыр. «Ұят» фильмі алдағы уақытта өзге елдерде де көрсетіле бастайды.
Кайхан Башоғлу, фильмнің режиссері:
Фильмді Ыстамбұлда шамамен 3 апта түсірдік. Кәсіби бір команда құрдық. Түрік, қазақ, ағылшын актерлары ойнады. Надира ханым әрі түсірілімге қатысты, әрі киноға дайындық кезеңінде көп көмек көрсетті. Алдағы уақытта фильмді бірқатар халықаралық кинофестивальдерге жіберу жоспарда бар.
Айдос Әшімұлы
