Жаңалықтарды Telegram арнамыздан оқыңыз!Корея Республикасындағы Қазақстан Елшілігінің консулдық бөлімі тәулік бойы жұмыс режиміне ауыстырылды. Сол елдегі құзыретті органдармен тұрақты байланыста болатын жедел штаб құрылды. Байланыс телефоны экранда көрсетілген. Қазір, дипломаттар консулдық есепте тұрған қазақстандықтарға хабарласып жатыр.
Хэллоуин мерекесінде адамдар тар көшеге кіріп, бірін-бірі таптап өткен. Қазір бұл іс бойынша тергеу басталды. Кей дерек көздерінің ақпараты бойынша, қайтыс болғандар саны - 154-ке жеткен. Олардың арасында Қазақстан азаматы бар. Сыртқы істер министрлігінің хабарлауынша, отандасымыз Корея Республикасының жоғары оқу орындарының бірінің студенті болған.
Сәбит Әлдебай
