Жаңалықтарды Telegram арнамыздан оқыңыз!Сайлау учаскелерінде дауыс берушілерге барлық жағдай жасалуы тиіс. Сондықтан жер-жерде оқыту жұмыстары қызу жүріп жатыр. Алматыда да Орталық сайлау комиссиясының мүшелері бөлімшелердің материалдық-техникалық жабдықталуын тексеріп, жергілікті комиссия мүшелерімен кездесті.
Семинар барысында сайлау заңына енгізілген заң тетіктері де таныстырылды. Сондай-ақ жоспарға сәйкес атқарылып жатқан жұмыстардың есебі тыңдалды. Айта кетейік, мегаполисте 1 млн 200 мыңға жуық адам дауыс бере алады. 600 сайлау учаскесі жұмыс істейді. Олардың 59-ы жабық мекемелерде орналасқан.
Константин Петров, ҚР Орталық сайлау комиссиясы төрағасының орынбасары:
Біз бүгін жергілікті атқарушы органдармен бірлесе алдағы сайлауға дайындық барысын пысықтап жатырмыз. Саяси науқанға келушілерге барынша жағдай жасалуы керек. Әсіресе қарт адамдардың, мүмкіндігі шектеулі жандардың дауыс беруіне еш кедергі болмауы тиіс.
Қуан Нұрақын
