Жаңалықтарды Telegram арнамыздан оқыңыз!
Таразда қатты жел салдарынан бірқатар тұрғын үй жарықсыз қалды. Сонымен қатар бағдаршамдар істен шығып, тал құлаған фактілер де тіркелді. Қазір шаһарда бірнеше бригада қалпына келтіру жұмыстарын жүргізуде.
Нұрдос Болатұлы, тілші:
Қала аумағында желдің екпіні секундына 15-20 метрге дейін, ал кейде 23-28-ге дейін соқты. Салдарынан Төле би даңғылындағы №116 үйдің 50 шаршы метр шатыры, Менделеев тұйығында 13 үйдің 40 шаршы метр шатырлары ұшып кетті. Сонымен қатар «Шаңырақ ауданындағы 920-шы трансформатор желілері істен шығып, 28 үй электр қуатынсыз қалды. Сондай-ақ 15-шағын ауданда 4 көпқабатты үйдің де жарығы сөнді. 20-ға тарта жеке сектор тұрғындарынан да жарық мәселесімен хабарлама түскен. Қазіргі таңда жарық бойынша 6 апаттық бригада жұмыс істеп жатыр. Тағы 3 бригада бағдаршамдарды іске қосуға кіріскен. Құлаған талдарды жинауға «Жасыл-ел Тараз» мекемесінен 2 бригада жұмылдырылды. Ал білім беру және денсаулық сақтау нысандарына зиян келген жоқ. Тұрғындар арасында да зардап шеккендер тіркелмеген.
