Қостанай облысының Рудный қаласында жарылған құбыр жөнделіп, жылу беру қалпына келтірілді. Жергілікті әкімдіктің хабарлауынша, «Рудный жылу желілері» кәсіпорны апаттық бригадаларының күшімен құбырдың зақымдалған жеріне катушка орнатқан. Естеріңізге салай кетейік, кеше диаметрі 325 мм магистральдық су құбыры жарылған еді. Соның салдарынан 33 көпқабатты үй мен 13 жеке тұрғын үйге және мектепке жылу беру тоқтатылған. Қазіргі уақытта қаланың әлеуметтік объектілері мен тұрғын үйлеріне жылу штаттық режимде берілуде.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Рудныйда жылу мәселесі шешілді&mh_tags=Qazaqstan&mh_page=https://qazaqstan.tv./news/167865/)