Жаңалықтарды Telegram арнамыздан оқыңыз!
Ғылым және жоғары білім министрлігі мен «Microsoft» компаниясы өзара түсіністік туралы меморандумға қол қойды.
Тараптар цифрландыру және цифрлық сауаттылықты жетілдіру бағытында жұмыс істейтін болады. Оқытушылар мен білім алушылардың цифрлық дағдыларын арттыру мақсатында бірлескен жобалар жүзеге асырылады. Осы арқылы отандық білім мен ғылымның жаһандық бәсекеге қабілеттілігін арттыру көзделген. «Майкрософт» университеттерде IT-мамандарын даярлау бойынша білім беру бағдарламаларын жаңарту, «Microsoft Azure Labs» мамандандырылған оқу зертханаларын енгізу және дамыту арқылы ғылыми зерттеулердің сапасын жақсарту бағытында кеңес береді.
Меморандумға вице-министр Камиль Ақатов пен «Microsoft Kazakhstan» компаниясының Бас директоры Сергей Лещенко қол қойды.
Дарын Сағитов
