Жаңалықтарды Telegram арнамыздан оқыңыз!«Мәскеу 2022 жылдың соңғы күндерін Украина үшін «қараңғы және қиын» етуді көздейді». Украина президенті Владимир Зеленский осылай деп мәлімдеді.
Оның сөзінше, Ресейдің шабуылдарынан миллиондаған адам жарықсыз отыруға мәжбүр. Қазан айынан бері үздіксіз әуе шабуылдары болғаны белгілі. Бұл елдегі энергия өндіру жүйесіне орасан зиянын тигізіп келеді. Кремль көздеген мақсатына жеткенше күресетінін мәлімдесе, Киев өз жерінен соңғы ресейлік сарбаз шыққанға дейін тоқтамауға бел буған.
Ал Ресей президенті Владимир Путин Украинадағы соғысқа қатысты барлық тараппен келіссөз жүргізуге дайын екенін мәлімдеді. «Алайда Киев пен оның Батыстағы қолдаушылары бұдан бас тартып отыр»,- деп мәлімдеді Кремль басшысы.
Арай Төлеген
