Жаңалықтарды Telegram арнамыздан оқыңыз!
Елімізде шетелдік көліктерді заңдастыру бойынша 13 мың өтініш алдын ала мақұлданды. 879 адам көліктерін сәтті заңдастырып, жаңа нөмір алды. Бұл туралы Ішкі істер министрлігінің өкілдері мәлімдеді.
Осы науқанға орай қазір алаяқтар интернетте "шет елден әкелінген көліктерді есептен шығаруға көмектесеміз" деп жалған хабарландырулар таратып жатыр. Ведомство мұндай ақпараттан сақ болуға шақырады. Мысалы, Түркістан облысы полиция департаментінің қызметкерлері мониторинг кезінде әлеуметтік желілерде, сайттарда осындай күдікті хабарландыруларды тапқан. Белгісіз азамат қызметі үшін жүргізушілерден 1 млн 200 мың теңге талап еткен. Шұғыл іздестіру шарасы кезінде күдіктінің Қостанай облысының тұрғыны екені анықталды.
