Жаңалықтарды Telegram арнамыздан оқыңыз!Петропавлда қалалық әкімдік балансында құжаты жоқ 1,5 мың пәтер тұрған. Олардың кейбірі заңсыз жалға берілген. Тұрғын үй саласын тексерген сыбайлас жемқорлыққа қарсы күрес қызметкерлері жетім балалар санаты бойынша кезекте тұрған 1360 адамның тізмнен еш негізсіз алынып тасталғанын да анықтады. Керісінше, кезекте жоқ 70 тұрғынға баспана берілген. Олар әкімдік меншігіндегі баспаналардан шығарылды. Босаған үйлер шын мәнінде мұқтаж адамдарға беріледі.
Сергей Перов, СҚО Сыбайлас жемқорлыққа қарсы іс-қимыл департаментінің басшысы:Біз еш құжаты жоқ 1500 пәтерді анықтадық. Басшыларың өзі ол үйлерің қалалық әкімдік балансында екенін білмейтін болып шықты. Оған мамандардың жиі ауысуы себеп. Жұмыс тиісті деңгейде атқарылмаған, ал құжаттар жоғалып қалған. Аталған мекен жайларды полициямен бірге аралап, кімдер тұрып жатқанын анықтадық.
Э.Кәленова
