Жаңалықтарды Telegram арнамыздан оқыңыз!Елімізде онкологиялық ауруларды емдеуге арналған аппараттардың дені әбден тозған. Бұл туралы бүгін Үкіметте Денсаулық сақтау министрі мәлімдеді.
Ажар Ғинияттың айтуынша қазір ел бойынша обыр дертіне шалдыққандардың тізімінде 200 мыңнан астам адам тұр. Оларға ем-дом көрсетуде түрлі түйткіл көп. Мәселен сәулелік терапия қондырғыларының басым бөлігі ескірген. Ал Ақмола, Жетісу, Ұлытау, Қызылорда облыстарында мұндай аппараттар мүлдем жоқ. Ал КТ, МРТ сияқты қондырғылар мүлде тапшы. Оның үстіне онкологиялық ауруханалар да тозған, заманауи талаптарға сай келмейді. Сондықтан министр осы бағытта кешенді жұмыс жүргізу керек дейді. Ол үшін 474 миллиард теңге қажет.
