Жаңалықтарды Telegram арнамыздан оқыңыз!Батыс Қазақстан облысында тікұшақ апатынан аман қалған екі адам ауруханадан шықты. Олар алты күн бойы дәрігерлер бақылауында болды. Аман қалған екі адамның бірі – «ҚазАвиаҚұтқару» мекемесінің аға инженері Сергей Щеглов, екіншісі – «ҚазТрансОйл» кәсіпорнының қызметкері Сұлтанбек Ерғалиев. Екеуі де Атыраудан.
Дариға Қабденова, қалалық көпбейінді аурухана директорының міндетін атқарушы:
Алты күн біздің ауруханада ем алды. Жағдайлары қалыпты, ауыр жағдай болған жоқ. Ота жасалған жоқ. Жағдайы жақсы болғасын, үйлеріне шығардық. Басқа шағым айтқан жоқ. Күннен күнге жағдайлары жақсы болып, өздері жүріп, үйлеріне шығып кетті. Кетер кезде шағым болған жоқ.
Ардақ Мұратқызы
