Теміртауда өрттен жеті адам зардап шекті. Бүгін түскі сағат 2-і шамасында бес қабатты тұрғын үйдегі пәтерлердің бірінде газ баллоны ашық қалып, соңы өртке ұласқан. Салдарынан іште болған 2 ересек адам денесінің 70-80 пайызын күйік шалған. Қазір олар жансақтау бөлімінде. Сондай-ақ, 5 баланы күйік шалған. Иіс тиген үшеуі қаладағы аурухананың жансақтау бөліміне жеткізілді. Енді бірі Қарағандыдағы клиникаға жіберілді, ал бесіншісіне амбулаторлық ем көрсетілген. Пәтердегі өрт жарты сағатта сөндірілген.
Нұрмұхамед Интуев, Теміртау қалалық ТЖБ бастығы:
Бірінші өрт сөндіру бөлімі келген бетте 3-і қабатта орналасқан пәтерде газ-ауа қоспасы жарылуы орын алып, кейін ол өртенгені белгілі болды. Пәтерде болған 2 ересек адам түрлі дәрежеде күйген, сондай-ақ 5 бала кішігірім күйіктер шалып, улы газдан уланғаны белгіленді. Жергілікті атқарушы органдардың комиссиясы, ТЖД жедел тобы және Теміртау қаласы полиция басқармасының қызметкерлері жұмыс атқаруда.
Руслан Нұрланұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Теміртауда өрттен жеті адам зардап шекті&mh_tags=Qazaqstan&mh_page=https://qazaqstan.tv./news/172878/)