Жаңалықтарды Telegram арнамыздан оқыңыз!
Осылайша, бірер сағат бұрын Францияда зейнетақы реформасына қарсы жалпыұлттық шерулер қайта басталды. Ал, Нант қаласында демонстранттар полициямен қақтығысып, бір банкке от қойған. Қаңтардан бері мұндай акцияларға миллиондаған адам қатысты. Соған қарамастан, екі апта бұрын үкімет арнайы конституциялық құқықты пайдаланып, даулы заңды Парламенттің даусына салмай қабылдап жіберді. Оған сәйкес, азаматтар енді зейнетке бұрынғыдай 62-де емес, 64 жаста шығуы керек.
Биліктің мәлімдеуінше, бұл өзгеріс, қоғамы қартайып бара жатқан Францияның зейнетақы қорын күйреуден қорғау үшін қажет. Алайда, кәсіподақтар мен оппозицияның ойынша, қаржылық балансты сақтаудың бұдан да басқа жолдары бар. Қарапайым тұрғындар болса, құрметті демалыс жасында жұмыс істеуге қарсы.
Ноэль Кассен, 69 жастағы шеруші:
Наразылық акциясына осымен 10-шы рет шығып отырмын. Өйткені, 64 жасқа дейін, яғни, өлгенше жұмыс істеуге мен де қарсымын. Реформаның өзіме тікелей қатысы жоқ. Себебі, зейнет демалысына баяғыда кеткенмін. Бірақ, бәрі өз қара басын ойлаған мына әлемде өзгелермен бірлікте екенімді көрсеткім келеді, демонстранттарға қосылдым.
Арыстан Рысбек
