Жаңалықтарды Telegram арнамыздан оқыңыз!Қытай астанасы Бейжіңде аурухана өртеніп, 29 адам қаза тапты. Жан тәсілім еткендердің 26-сы емделіп жатқан науқастар. Сонымен қатар 39 адам түрлі жарақат алған. Олардың 18-нің жағдайы ауыр. Лапылдаған жалыннан жан сақтау үшін науқастардың кейбірі терезені сындырып жерге төсек жапқышты арқан ретінде пайдаланып түскен. Қазір осы қалада 2002 жылдан бері болған ең үлкен өрттің нақты себебі анықталып жатыр. Тергеудің алдын-ала қорытындысына қарағанда Чанфэнь госпиталін шарпыған от жөндеу жұмыстары жүріп жатқан палатадағы тез жанатын бояу материалдарынан басталса керек.
Арыстан Рысбек
