Жаңалықтарды Telegram арнамыздан оқыңыз!Ақтауда тұрғын үйдің кіреберісіндегі бетон маңдайшасының опырылуынан зардап шеккен науқасқа ота жасалды.
Оқыс оқиға кезінде 29 жастағы тұрғынның аяғы сынған. 9 шағын аудандағы 4-ші үйдің бір кіреберісіндегі бетоннан жасалған күнқағары құлап, 1 адам қаза тапты. Тағы 2 тұрғын зардап шекті. Оның біріне медициналық көмек көрсетіліп, үйіне жіберілген. Үшеуі де коммуналдық мекеменің жұмысшылары. Олар маңдайшаларды ауыстыру жұмыстарын жүргізіп жатқан болатын.
Жұлдызай Қалиева, Маңғыстау облыстық көпбейінді аурухананың баспасөз хатшысы:
1994-жылғы науқас орташа ауырлықта келіп түсті. Дәрігерлер оған балтырдың үштен бір бөлігінің сынуы, ашық сынуы және оң жақ бетінің көгеруі диагнозын қойды. Травматолог дәрігерлер науқасқа оң аяқтың металоостосинтез операциясын жасады. Ота сәтті өтті.
Аягөз Оралбайқызы
