Жаңалықтарды Telegram арнамыздан оқыңыз!Алматыдағы емхана басшысы мен оның бас есепшісі және кадр бөлімінің инспекторы жеті жыл бойы ұйымдасқан қылмыспен айналысып келген. Олар емханада мүлдем жұмыс істемейтін 19 адамды «еңбек етіп жүр» деп көрсетіп, жалақыларын өздері алып отырған. Осындай қитұрқылыққа барған мамандар мемлекетке 79 миллион теңге шығын келтірді. Медеу аудандық соты үкім кесті.
Айәділ Сайлаухан, Алматы қалалық соты баспасөз қызметінің Бас маманы:
Мемлекетке келтірілген залалды өтеу шараларын ескере отырып, сот кадр бөлімінің инспекторы мен Бас бухгалтерді 7 жыл мерзімге шартты түрде бас бостандығынан айырды.Сот Бас дәрігерге 7 жыл мерзімге бас бостандығынан айыру жазасын тағайындады.
Әйгерім Ердәулет
