Жаңалықтарды Telegram арнамыздан оқыңыз!Дүниежүзілік туристік ұйымның мәліметінше, жыл сайын экотуристер көбейіп келеді. Қазақстанда да жаз маусымында табиғат аясында тынығушылар артқан. Қоғамда демалу мәдениеті қалыптасқан ба? Ұлттық арна тілшілері өңірлердегі тұрғындар пікірін білген еді.
Тәлім-тәрбиеміз кішкене аз болғаннан ба, қоқыстарды көп көресің. Кей кезде болады, бала-шағамен барып, соңынан жинап жүресің. Қазақстанымыз - үйіміз ғой бұл. Өзіміздің Отанымызды сырттан кеп біреу тазалап бермейді.
Бәрін айтпаймын олай, бірақ болып тұрады, ондай жағдайлар. Қоқыс шашып кетеді, бірдеңе төгіп кетеді. Сондай тұрғындарға кішкене бақылау жасаса, айыппұл салса, мәдениет қалыптасады деп ойлаймын.
Мысалы, демалыс орындарына барғанда адамдардың кейбірі ішімдік ішеді, бөтелкелер сынады, шыны қызып өрт, әртүрлі жағдайлар туындайды. Енді барлығы емес, 100 пайыз деп айтпаймын, бір 30 пайыз шығар. Әрбір адам өзінің демалған жерін жинап, реттеп кету керек.
