Жаңалықтарды Telegram арнамыздан оқыңыз!Соңғы жарты жылда алаяқтар қазақстандықтарды 36 млрд теңгеге алдап кеткен. Бұл өткен жылмен салыстырғанда 29 пайызға көп. Қарыз мөлшері артқанымен, мұндай қылмысқа баратындар былтырғыға қарағанда біршама азайыпты. Мәселен, өткен жылы 614 алаяқтық дерегі тіркелсе, биыл 384 адамның үстінен іс қозғалған. Ұсталғандардың көбі – жалған шот-фактура жасаған. Одан кейін қаржы пирамидасын құрғандар, заңсыз кәсіп пен қаржы ұйымдарын ашып, жұртты сан соқтырғандар да жетерлік. Алаяқтық дерегі бойынша Алматы мен Шымкент қаласы көш бастап тұр. Өңірлер арасында Павлодар облысында қылмыс көп тіркелген. Жалпы алғанда еліміз бойынша мың бір жүз адам алаяқтықтың құрбаны болған.
Айя Мүтәлі
