Жаңалықтарды Telegram арнамыздан оқыңыз!Алматыда жылына 300-ге жуық мейрамхана, дәмхана мен тамақтану орындары ашылады, бірақ көп ұзамай жабылып жатады. Бұған құзырлы органдар тарапынан жүргізілетін тексерістің жиілеуі себеп. Осылай деген рестораторлар бизнесті тексеруге мораторий жариянғанымен үздіксіз қадағалау тыйылмай тұр дейді.
Кәсіпкер Темірлан Сұлтанғалиев 15 адамды жұмыспен қамтып отыр. Бірақ жуырда жұмысшылар санын екі есеге қысқартпақшы. Өйткені дәмханадан түсетін табыс едәуір азайған. Оған себеп құзырлы органдар тарапынан тексерістің жиілеп, келушілер саны күрт төмендеген.
Темірлан Сұлтанғалиев, кәсіпкер:
Аптасына төрт рет Арнайы жедел әрекет ету жасағы келіп, музыкалық құрылғыларды тоқтан ажыратып, келушілерді жұлқұылап, далаға қуып шығады. Бізге тек профилкатикалық тексеріс деген сөзден бақасын айтпайды. Себебін сұрап жауап ала алмадық. Қалалық прокуратураға арыз жаздық, екі аптаға жуық уақыт өтті ешқандай шара қолданып жатқан жоқ.
Өздері қалаған уақытта еш ескертпестен тексеруге келетіндер полиция мен салық органдары, өрт сөндірушілер мен санитарлық эпидемиологиялық департаменттің мамандары екен. Рестораторлар қауымдастығының мүшелері мұның заңсыз екенін алға тартып, прокуратураның араласуын сұрап отыр.
Зулфия Юсупова, «Мейрамханалар иелері клубы» қауымдастығының мүшесі:
2024 жылға дейін бизнесті тексеруге мораторий енгізілген. Тұрғындардан арыз, талап түспесе немесе оқыс оқиға орын алмаса құзырлы органдардың мейрамханалар мен дәмханаларды тексеруге құқығы жоқ. Осыған қарамастан өрт қаупсіздігі, кірістер департаменті, құқық қорғау органдарынан келдік деп, беймезгіл тексеріс жүргізетіндер көбейген.
Бүгінде Алматыда 10 мыңнан астам мейрамхана, дәмхана мен қоғамдық тамақтану орны бар. Оларда жұмыс істейтіндердің саны 200 мыңға жуықтайды. Сондықтан бизнестің бұл түрі қала экономикасы үшін өте маңызды дейді, кәсіпкерлер палатасының өкілдері.
Әділхан Нұрхан, Алматы қаласы кәсіпкерлер палатасының сарапшысы:
Біздің тарапымыздан егер қандай да бір заңсыз әрекеттер құқық қорғау органдарынан болса міндетті түрде сол полицейлердің жоғарғы басшылары бар. Соларға өз тарапыздан хаттар жолдаймыз. Иә, оларды жауапкершілікке тарту туралы егер заңсыз жасалған болса. Егерде қандай да бір шешімдер қабылданып жатса заңда әрі қарай қорытындысына сәйкес көреміз.
Айта кетейік, енді кәсіпкерлер осындай жағдайға тап болып жатса кәсіпкерлер палатасынан ашылған арнайы орталыққа жүгіне алады. Онда бизнес өкілдеріне құқықтық және қолдау бағытында 800 түрлі қызмет көрсетіледі.
Нұрсұлтан Тілектес
