Жаңалықтарды Telegram арнамыздан оқыңыз!Алматыда Мәдениет және ақпарат министрлігінің қолдауымен бірінші «Жаңа медиа» форумы өтті. 400-ге жуық сарапшы қатысқан шарада медиа саласындағы өзекті мәселелер талқыланды. Әлеуметтік желілер де пайдалы контент ұсынып, әлем елдеріне танылған медиа саласының үздіктері тәжірибелерімен бөлісті. Сайтта көп оқылатын материалдар мен ақпараттарды оқырмандарға ұсыну жолдары айтылды. Сондай-ақ, министрлік өкілдері жақында қабылданған заң жобасының кейбір тетіктерін түсіндірді.
Евгений Кочетов, ҚР Мәдениет және ақпарат министрінің орынбасары:
10 қыркүйекте «Онлайн-платформалар және онлайн-жарнама туралы» заң күшіне енді. Біз кейбір әлеуметтік желілердегі, онлайн платформалардағы жарнамаларға арнайы белгі қоюды жоспарлап отырмыз. Олардың арасында қаржы пирамидасына шақыратын, құмар ойынға итермелейтін және синтетикалық есірткілер саудалайтын желілер бар.
Қуан Нұрақын
