Жаңалықтарды Telegram арнамыздан оқыңыз!Шымкентте ауруханаға жеткізілген науқас санитарды теуіп, дәрігерді соққыға жықты. Оны тыныштандыруға санитар мен дәрігердің шамасы келмеген соң, жедел жәрдем қызметінің фельдшерлері көмекке келген. Отбасында болған ұрыс-керісте соң, 28 жастағы жігіт қолына түскен белгісіз сұйықтықты ішіп қояды. Оны ажалдан арашалау үшін туыстары жедел жәрдем шақыруға мәжбүр болған. Дәрігерлермен қақтығыс мед-орталықтың жансақтау бөліміне жеткізілген кезде болған.
Сәкен Реметов, гипербариялық оксигенация орталығы бас дәрігерінің орынбасары:
Айтарлықтай жарақат алмаған. Бір санитаркамызды аяқпен тепкен, бір дәрігеріміз тыныштандыру барысында иығына, бетіне тиген. бірақ ешқандай көгерулер жоқ.
Жарақат алған дәрігерлердің денсаулығы жақсы, қызметін жалғастырып жатыр. Ал бұзақы науқас/ ем алудан бас тартып, оны туыстары үйіне алып кеткен. Осы оқиғаға байланысты полиция іс-қозғады.
Ғани Қалмаханов
