Жаңалықтарды Telegram арнамыздан оқыңыз!
Қостанай облысында егін орағы науқаны баяу жүріп жатыр. Аймақ бойынша, барлығы 4,5 млн гектар жерге дән сіңірілісе, бүгінде соның тең жартысы ғана жиналған. Жұмыстың кешеуілдеуіне ауа райының қолайсыздығы себеп. Шығымдылық гектарына 9 центнер. Бұл былтырғы көрсеткіштен әлдеқайда төмен, әрі сапасы нашар. Мамандар биылғы астықтың басым бөлігі тек мал азығына ғана жарайды деп отыр. Олай болса, өнім құны құлдырап, шарауалар шығынға батуы мүмкін.
Дмитрий Евстафьев, облыстық Ауыл шаруашылығы басқармасы басшысының орынбасары:
Астықтың ылғалдылығы 16-20 пайыз. Бұл өте жоғары. Алайда облыста жиналған өнімді кептіріп, сақтайтын 37 орын бар. Жалпы сиымдылығы 3 млн тонна. Үкімет астық кептіруге қосымша 11 мың тонна арзан дизель отынын бөліп отыр.
Дәуренбек Әбдібек
