Жаңалықтарды Telegram арнамыздан оқыңыз!Бүгін жазушы, журналист, екінші дүниежүзілік соғыстың ардагері Кемел Тоқаевтың шығармашылығына арналған «Детектив жанрының дарабозы» атты халықаралық конференция өтті.
Жиында қарымды қаламгердің «Сарғабанда болған оқиға», «Көмескі із», «Солдат қабірінің басында» сынды біршама туындылары әңгіме арқауына айналды. Ресей, Өзбекстан, Қырғызстаннан келген зиялы қауым өкілдері мен сарапшы ғалымдар Кемел Тоқаев тек қазақ детектив жанрына ғана емес, Орталық Азия әдебиетінде сүбелі үлес қосқанын тілге тиек етті. Сондықтан да оның кітаптары әлемнің бірнеше тіліне аударылып, оқырмандар арасында жоғары бағаға ие болған.
Нұрлан Оразалин, ақын, драматург, Қазақстанның еңбек сіңірген қайраткері:
Тұлға деген сөз тілдің ұшына оралады. Тоқаев Кемелге көрсетіліп жатқан құрмет – бұл талантты танудың, еңбекті бағалаудың, халықтың құрметіне бөленудің жарқын көрінісі ғой деп ойлаймын.
Нұрсұлтан Тілектес
