Жаңалықтарды Telegram арнамыздан оқыңыз!Елімізде 266 ауданда бірде-бір кітап дүкені жоқ. Бұл туралы «Кітап-AMANAT» жобасы аясында өткен шарада айтылды. Алматыда Республика күніне орай ұйымдастырылған жиынға қатысушылар еліміздегі қазіргі заман авторларының шығармаларын ғана емес, жалпы отандық әдебиетімізді ілгерілетуді көздеп отыр. Бұған дейін «Amanat» партиясы мен баспагерлер, полиграфистер және кітап таратушылар қауымдастығы арасында өзара ынтымақтастық туралы меморандумға қол қойылған. Мақсат - дүкендерді қолжетімді бағада кітап қорымен қамтамасыз ету.
Алмас Ахметбекұлы, ақын:
Кітап дүкеніне тегін орын жасап беру. Оны ремонттап, оны жабдықтап, жарықтандырып, барлық жағдайын келтіріп беруге «AMANAT» партиясы жауапты болып жатыр. Енді соны кітаппен қамтамасыз етуге бүкіл баспагерлер, полиграфистер, кітап таратушылардың басын қосатын қауымдастық бар. Сол қауымдастық күш салып жатыр.
Қуан Нұрақын
