Пәкістан үкіметі елде құжатсыз жүрген 1 миллион 700 мың ауғандыққа ертеңге дейін мемлекет аумағынан кетуге бұйрық берді. Ресми Исламабад бұл шешімін қазанның 4-де жариялады. Содан бері 60 мыңдай адам ғана Ауғанстанға оралған. Мұны «Талибан» өкілдері хабарлады.
Пәкістанда 4 миллиондай ауғандық босқын бар. Олар бұл мемлекетке 1979 жылы Кеңес одағы Ауғанстанға әскер кіргізгеннен кейін және 2021 жылы тәліптер Кабулдегі билікті басып алғаннан соң қашып барған. Исламабад ешқандай дәлел келтірместен биыл Пәкістанда ауғандық мигранттардың қатысуымен жарылыстар жиілеп кеткенін мәлімдеді. Оның үстіне, Пәкістанда инфляция шарықтап, миллиондаған босқынды асырау қиынға соғып отыр.
Арыстан Рысбек
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Пәкістаннан 1,7 млн ауғандық еліне қайтарылады&mh_tags=Qazaqstan&mh_page=https://qazaqstan.tv./news/183858/)